امارگیر حرفه ای وبلاگ و سایت

آلله بیلیر منیم اوره ییم قاندی یکسره
آلله! بو حال و روزی نصیب ائتمه کافره
یاندیم کول اولدوم آی آقالار من سحر چاغی
قلبیم او دور کی اوخشاری چوخ واردی مجمره
دیندیرمه یین منی اوره ییم پارچا پارچادی
فکر و خیال اوخشوری جانیمده نشتره
دالغا ویریر اورکده منیم لخته لخته قان
اونلار دوشورله قطره به قطره بو دفتره
رخصت وئرین قویوم اوزومی توپراق اوستونه
بوردان گئدیبدی چوخلاری وار حج اکبره
بیر آز اویان منادی باتیب قانه چوخ قوزی
بو پادگان دا بنذری چوخ واردی مشعره
یول یول اولوب اسیر اولانین جسمی شبهه سیز
از بس ویریبلا کابل و باتوم اول دلاوره
قوربانلارین بو یئرده گلین عطرینی آلاق
بو گلستان بو گوللریله باش دی قمصره
گاهدان گلین علی آدی قوربانی سسله یک
گاهدان دا بیز دخیل اولاق هرکس دی اکبره
صحرای کربلادی بورا شککین اولماسین
دزفول دا چوخ اوشاق لار اولوب قوربان اصغره
آهنگرانی دعوت ائدین نوحه باشلاسین
《 ای لشگر حسینی》 نی یاییسین بو چوللره
دردیم دئشیلدی گیزله دم اصلا اولان ده ییل
هرسمتی دن ائدیبدی من غم محاصره
شهری که بود خرم و ویران نمود خصم
آدیندا دوندریب ائله میشدی محمره
《جئنا لنبقی》 یازدیلا دیواردا بعثی لر
ویردی بسیج سیلی محکم ستمگره
لایلای چالیر شهید آناسی ،بیر قولاق وئرین
نیلر،بیلیرسیز اولسه جوان اوغلی مادره
سانکی دووار آشیب بالا آلتیندا جان وئریر
بوردا گوره ر شهید آتاسی آیری منظره
گاهدان دا شوهرین یئرینی بوش گوره ر بیری
چوخ چوخ چتیندی بیر بئله اوقات ،همسره
بوینون قویوبدی چینینه بیر مهربان باجی
قارداشی منتظردی ویرا باش بو خواهره
واضح دی بوردا من دئمه میش جمع حاضره 
نیلر غم برادر عزیزیم برادره
دینشه ک اگر وئرن اولا قرآن سسی گلیر
آیات نور هی دولوری پاک ساغره
توی گورمه ینلرین ولی وار آیری غصه سی
قالسین بو غصه نین دئماقی وقت دیگره
مهلت وئرین ایاقلارینین ردینی اوپوم
باش قوزاییم دئییم سورا من حی داوره:
یورقون جوانلاری سنه تاپشیردی خالقینیز
ائو صاحبی گوزلدی قوناقه بها وئره
دوزدور قرآندا آشکارا واردی بشارتون
بیر آیری امتیاز وئریب سن شهیدلره
اما بو بنده نین سنه بیر عرض حالی وار
عفو ائله بیزلری اوزون آل پیمبره
شرمنده اولموشوق شهدادن حقیقتا
بیگانه اییک سلاح و مهمات و سنگره
خامسیتماسیدی غفلت اگر بیزلری ؛یقین-
گلمزدی بو بلالر ایلاهی بو کشوره
نامحرمین قاباغینی بیز آلمادیق کی هئچ!
نااهلی برتر ائله دیک اخطار رهبره
جان یاندیران آز اولدی مقامات ایچینده چون
 معروفه امر اولمادی هم نهی منکره
《فرزانه》 سن خیال ائله مه درد سنونکی دی
بیر جور چکیر بو دونیادا غم -غصه نی هره
تقدیم ایله دیم بولاری هم قطارلارا
مشهور اولوبلا هاممیسی 《یاران معبره》
سوز قورتاران ده ییل ولی بایرام آیینداییق
وئرسه ز اجازه وقتی وئریم من 《 سخنوره》
محرم فرزانه
سه شنبه ۲۴ اسفند۱۴۰۰
اردوگاه شهید باکری دزفول